*ಕಾಂಗ್ರೆಸ್ ಸರಕಾರ ರೈತರ ಸಮಾದಿಯ ಮೇಲೆ ಕಾಲಿಟ್ಟು ಆಡಳಿತ ನಡೆಸುವ ಸರಕಾರ,,! ಮಾಜಿ ಸಚಿವ ಹಾಲಪ್ಪ ಆಚಾರ,,* 

*ಕಾಂಗ್ರೆಸ್ ಸರಕಾರ ರೈತರ ಸಮಾದಿಯ ಮೇಲೆ ಕಾಲಿಟ್ಟು ಆಡಳಿತ ನಡೆಸುವ ಸರಕಾರ,,! ಮಾಜಿ ಸಚಿವ ಹಾಲಪ್ಪ ಆಚಾರ,,* 

Breaking news:-ನಿರ್ಭಯ ದೃಷ್ಟಿ ನ್ಯೂಸ್-

ಕುಕನೂರು : ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರಕಾರ ರೈತಪರ ಆಡಳಿತ ನಡೆಸುವ ಸರಕಾರವಲ್ಲಾ ಇದು ರೈತರ ಸಮಾದಿಯ ಮೇಲೆ ಕಾಲಿಟ್ಟು ಆಡಳಿತ ನಡೆಸುವ ಸರಕಾರವಾಗಿದೆ ಎಂದು ಮಾಜಿ ಸಚಿವ ಹಾಲಪ್ಪ ಆಚಾರ ಆರೋಪಿಸಿದರು.

ಶನಿವಾರದಂದು ಯಲಬುರ್ಗಾ ಪಟ್ಟಣದ ಚೆನ್ನಮ್ಮಾ ವೃತ್ತದಲ್ಲಿ ಮೆಕ್ಕೆಜೋಳಕ್ಕೆ ಬೆಂಬಲ ಬೆಲೆ ನೀಡದ ರಾಜ್ಯ ಕಾಂಗ್ರೆಸ್ ಸರಕಾರದ ವಿರುದ್ದ ಹಮ್ಮಿಕೊಂಡ ಬೃಹತ್ ಪ್ರತಿಭಟನೆಯಲ್ಲಿ ಮಾತನಾಡಿ ಇಂದು ರೈತ ಬೆಳೆದ ಬೆಳೆಗಳಿಗೆ ಸಮಯಕ್ಕೆ ಸರಿಯಾಗಿ ಬೆಂಬಲ ಬೆಲೆ ನೀಡದೇ ಕಾಂಗ್ರೆಸ್ ಸರಕಾರ ದುರಾಡಳಿತ ನಡೆಸುತ್ತಿದೆ. ಮುಂಗಾರಿನಲ್ಲಿ ತಾಲೂಕಿನಾದ್ಯಂತ ರೈತರು ಹೆಸರು ಬೆಳೆದರು ಆದರೆ ಪ್ರಕೃತಿಯ ಅತಿವೃಷ್ಠಿಯಿಂದ ಬೆಳೆದ ಬೆಳೆ ಎಲ್ಲಾ ಹಾಳಾಯಿತು, ಉಳಿದ ಬೆಳೆಯನ್ನು ಬೆಂಬಲ ಬೆಲೆಗೆ ಖರೀದಿಸದೇ ಖರೀದಿ ಕೇಂದ್ರದಲ್ಲಿ ಗ್ರೇಡ್ ಇಲ್ಲಾ, ಕ್ವಾಲಿಟಿ ಇಲ್ಲಾ ಎಂದು ರೈತರ ಎಲ್ಲಾ ಬೆಳೆಗಳನ್ನು ರಿಜಕ್ಟ್ ಮಾಡಿದರು. ಕೊನೆಗೆ ರೈತರಿಗೆ ಸಮರ್ಪಕ ಪರಿಹಾರವು ದೊರೆತಿಲ್ಲಾ, ಆದರೆ ಮುಖ್ಯಮಂತ್ರಿ ಪರಿಹಾರ ಘೋಷಣೆ ಮಾಡ್ತಾರೆ ರೋಣ ತಾಲೂಕಿಗೆ 21ಕೋಟಿ 28ಲಕ್ಷದಷ್ಟು ಬಂದಿದೆ. ಆದರೆ ಯಲಬುರ್ಗಾ ಕ್ಷೇತ್ರಕ್ಕೆ ಕೇವಲ 1ಲಕ್ಷ 73 ಸಾವಿರ ಮಾತ್ರ ಬಂದಿದೆ ಎಂದರೇ ಇಲ್ಲಿನ ಯರೇಭಾಗದ ರೈತರು ಏನಾಗಬೇಕು, ಏನು ಇಲ್ಲಿನ ಆಡಳಿತ ಪರಸ್ಥಿತಿ ಮುಗಿದಿದೆಯೇ ಎಂದು ಪ್ರಶ್ನಿಸಿದರು.

ಕಾಂಗ್ರೆಸ್ ನ ದುರಾಡಳಿತ ಎಷ್ಟರ ಮಟ್ಟಿಗೆ ಇದೆ ಎಂದರೇ ಇವರು ಕೇವಲ ವರ್ಗಾವಣೆ, ಕಾಂಟ್ರ್ಯಾಕ್ಟರ್, ವ್ಯವಹಾರಕ್ಕೆ ನಿಂತಿದ್ದು ಕ್ಷೇತ್ರದ ಜನ ಹಾಗೂ ರೈತರು ಶೋಷಣೆಗೆ ಒಳಪಟ್ಟಿದ್ದಾರೆ. ಇಲ್ಲಿನ ಶಾಸಕರಿಗೆ ಕ್ಷೇತ್ರದ ರೈತರ ಬಗ್ಗೆ ಕಾಳಜಿ ಇಲ್ಲಾ ಎಂದು ಲೇವಡಿ ಮಾಡಿದರು.

ಎರಡುವರೆ ವರ್ಷದ ಅವಧಿಯಲ್ಲಿ ಕಾಂಗ್ರೆಸ್ ಸರಕಾರ ಕೊಟ್ಟಿರುವ ನಿಷ್ಪ್ರಯೋಜಕ ಯೋಜನೆಗಳಿಂದ ರಾಜ್ಯದ ಅಭಿವೃದ್ದಿ ಕುಂಠಿತಗೊಂಡಿದ್ದು ರಾಜ್ಯದ ಅಭಿವೃದ್ದಿ ಮರಿಚಿಕೆಯಾಗಿದೆ.

ನಮ್ಮ ಭಾಗದ ತುಂಗಾಭದ್ರ ಅಣೆಕಟ್ಟು ಗೆಟ್ ಕಟ್ಟಾಗಿದ್ದನ್ನು ವೀಕ್ಷಣೆಗೆ ಬಂದ ಮುಖ್ಯಮಂತ್ರಿ, ಉಪ ಮುಖ್ಯಮಂತ್ರಿ ಕೆಲವೇ ದಿನಗಳಲ್ಲಿ ಎಲ್ಲಾ ಬದಲಾವಣೆ ಮಾಡಿ ನಿಮಗೆ ಯಾವತ್ತು ನೀರು ಕೊರತೆ ಆಗದಂತೆ ನೋಡಿಕೊಳ್ಳುತ್ತೇವೆ ಎಂದವರು ಇಂದು ಎರಡನೇ ಬೆಳೆಗೆ ನೀರು ಇಲ್ಲಾ ಎನ್ನುತ್ತಿದ್ದಾರೆ. ಅಂದರೆ ಇದು ಎಷ್ಟೋಂದು ದರಿದ್ರ ಆಡಳಿತ ನಡೆಸುತ್ತಿರುವ ಸರಕಾರ ಎನ್ನುವುದಕ್ಕೆ ಜೀವಂತ ಸಾಕ್ಷಿ, ಇಂದು ಕೇವಲ ಗೆಟ್ ಬದಲು ಮಾಡಲು ಎರಡು ವರ್ಷ ತೆಗೆದುಕೊಳ್ಳುತ್ತೆ ಎಂದರೇ ಈ ಸರಕಾರ ಎಷ್ಟು ಹೀನಾಯ ಸ್ಥಿತಿಗೆ ತಲುಪಿದೆ ಎಂದು ಆಕ್ರೋಶದ ಮಾತುಗಳನ್ನು ನುಡಿದರು.

ನಂತರ ಮುಖಂಡರಾದ ಬಸಲಿಂಗಪ್ಪ ಭೂತೆ ಮಾತನಾಡಿ 140 ಜನ ಶಾಸಕರು ಮೆಕ್ಕೆ ಜೋಳ ಬೆಳೆದ ಬೆಳೆಗಳನ್ನು ನೋಡ್ತಾ ಓಡಾತಿದ್ದಾರೆ. ಕನಿಷ್ಟ ರೈತರ ಬೆಳೆಗೆಬೆಂಬಲ ಬೆಲೆ ನೀಡುವ ಸೌಜನ್ಯವು ಅವರಿಗಿಲ್ಲಾ,

ರೈತ ಬೆಳೆದ ಮೆಕ್ಕೆ ಜೋಳ ಪೂರ್ಣ ತೆಗೆದುಕೊಳ್ಳುವುದು ಬಿಟ್ಟು, ಲಿಮಿಟ್ ಮೇಲೆ15 ಕೆಜಿ 20 ಕೆಜಿ ತೆಗೆದುಕೊಳ್ಳುತ್ತಿದ್ದಾರೆ. ರೈತ ಬೆಳೆದ ಎಲ್ಲಾ ಬೆಳೆಗಳನ್ನ ಯಾಕೆ ತೆಗೆದುಕೊಳ್ಳುತ್ತಿಲ್ಲಾ ಎಂದು ಕಿಡಿಕಾರಿದರು.

ನಂತರ ವಿರಣ್ಣ ಹುಬ್ಬಳ್ಳಿ ಮಾತನಾಡಿ ದೇಶಕ್ಕೆ ಅನ್ನ ಹಾಕುವ ರೈತನ ಬಗ್ಗೆ ಕಾಂಗ್ರೆಸ್ ಸರಕಾರಕ್ಕೆ ಕಿಂಚಿತ್ತು. ಕಾಳಜಿ ಇಲ್ಲಾ, ರೈತ ಬೆಳೆದ ಬೆಳೆಗಳಿಗೆ ಸಮಯಕ್ಕೆ ಸರಿಯಾಗಿ ಬೆಂಬಲ ಬೆಲೆ ಘೋಷಿಸದೇ ಎಲ್ಲಾ ಬೆಳೆಗಳು ದಲ್ಲಾಳಿಗಳ ಪಾಲಾದ ಮೇಲೆ ಬೆಂಬಲ ಬೆಲೆ ಘೋಷಣೆ ಮಾಡಿದರೇ ಅದೇನು ರೈತನಿಗೆ ತಲುಪುತ್ತದೆಯೇ ಅದು ದಲ್ಲಾಳಿಗಳ ಪಾಲಿಗೆ ಲಾಭವಾಗುತ್ತೇ, ಅಂದರೆ ಈ ಪಕ್ಷಕ್ಕೆ ರೈತಪರ ಕಾಳಜಿ ಇಲ್ಲದ ಪಕ್ಷ ಎಂದು ಆರೋಪಿಸಿದರು.

ತಾಲೂಕಿನಲ್ಲಿ ಮೊನ್ನೆ ಮೀನು ಹಿಡಿಯಲು ಹೋಗಿ ಕೆರೆಯಲ್ಲಿ ಮೃತ ಪಟ್ಟ ಕುಟುಂಬಗಳಿಗೆ ಇಲ್ಲಿಯವರೆಗೂ ಇಲ್ಲಿನ ಶಾಸಕರು ಪರಿಹಾರ ನೀಡುವಲ್ಲಿ ವಿಫಲವಾಗಿದ್ದಾರೆ ಎಂದರೇ ಇವರ ಆಡಳಿತ ಹೇಗಿದೆ ಇಂತಹ ಸರಕಾರ ನಮಗೆ ಬೇಕೆ ಎಂದರು.

ಈ ವೇಳೆ ಹಿರಿಯ ಮುಖಂಡರಾದ ಹಂಚ್ಯಾಳಪ್ಪ ತಳವಾರ, ಸುರೇಶಗೌಡ್ರ ಹಾಗೂ ಭಾಜಪ ರಾಜ್ಯ ಕಾರ್ಯಕಾರಣಿ ಸದಸ್ಯೆ ಶಿವಲೀಲಾ ದಳವಾಯಿ ರೈತಪರ ನಿಲುವನ್ನು ಹೊಂದದ ಕಾಂಗ್ರೆಸ್ ಸರಕಾರದ ವಿರುದ್ದ ಹಾಗೂ ಇಲ್ಲಿನ ಆಡಳಿತ ವ್ಯವಸ್ಥೆ ವಿರುದ್ದ ಗುಡುಗಿದರು.

ಈ ಸಂದರ್ಭದಲ್ಲಿ ಭಾಜಪ ಮಂಡಲದ ಅಧ್ಯಕ್ಷ ಮಾರುತಿ ಗಾವರಾಳ, ಶಿವಕುಮಾರ ನಾಗಲಾಪೂರಮಠ, ಶರಣಪ್ಪ ಈಳಗೇರ, ಕಳಕಪ್ಪ ತಳವಾರ, ಅಯ್ಯನಗೌಡ್ರ ಕೆಂಚನಗೌಡ್ರ, ಸಿದ್ದು ಮಣ್ಣಿನವರ್, ಕಲ್ಲಪ್ಪ ಕರಮುಡಿ, ಸಂತೋಷಿ ಮಾ ಜೋಷಿ, ಲಕ್ಷ್ಮಣ ಕಾಳಿ, ಜಗದೀಶ ಸೂಡಿ, ವಿನಾಯಕ ಯಾಳಗಿ ಸೇರಿದಂತೆ ಯಲಬುರ್ಗಾ ನಗರದ 15ನೇ ವಾರ್ಡಿನ ಪಕ್ಷದ ಕಾರ್ಯಕರ್ತರು, ಹಿರಿಯ ಮುಖಂಡರು ಇದ್ದರು.

ಕಾಂಗ್ರೆಸ್ ಸರಕಾರ ಭಂಡ ಸರಕಾರವಾಗಿದೆ ಜನರನ್ನು ದಾರಿ ತಪ್ಪಿಸುತ್ತಾ ಲೂಟಿಗೆ ನಿಂತಿದೆ. ಮೆಕ್ಕೆಜೋಳ ಖರೀದಿ ಕೇಂದ್ರ ತೆರೆಯದೇ ರಾಜ್ಯದ ರೈತರನ್ನು ಕಡೆಗಣಿಸುತ್ತಿದ್ದಾರೆ.

ಇಲ್ಲಿನ ಶಾಸಕರಿಗೆ ರೈತಪರ ಕಾಳಜಿ ಇಲ್ಲಾ, ಕೇವಲ ರಸ್ತೆ, ಬಿಲ್ಡಿಂಗ್ ಮಾಡುತ್ತಾರೆ ಇದೇನಾ ಅಭಿವೃದ್ದಿ ಕೇವಲ ಕಮಿಷನ್ ಸಿಗುವ ಕೆಲಸ ಮಾಡಿದರೆ ಅಭಿವೃದ್ದಿಯೇ ಎಂದು ಪ್ರಶ್ನಿಸಿದ ಅವರು ಕ್ಷೇತ್ರದಲ್ಲಿ ನಿಮ್ಮ ವಿರುದ್ದ ದ್ವನಿ ಎತ್ತಿದವರ ಮೇಲೆ ಕೆವಲ ಕೆಸ್ ಮಾಡುವುದು ನಿಮ್ಮ ರಾಜಕಾರಣ, ಹೌದು ಮೊನ್ನೆ ನಾನು ನಿಮ್ಮ ವಿರುದ್ದ ಮಾತನಾಡಿದ್ದಕ್ಕೆ ನನ್ನ ಮೇಲೆ ಕೆಸ್ ಮಾಡಿದ್ದೀರಿ ನೀವು ಇನ್ನೂ ಹತ್ತು ಕೆಸ್ ಮಾಡಿ ನಾನೇನು ಹೆದರುವುದಿಲ್ಲಾ, ನಾವು ಅನ್ಯಾಯದ ವಿರುದ್ದ ಧ್ವನಿ ಎತ್ತುತ್ತೇವೆಯೇ ಹೊರತು ಬೇರೆ ಯಾವುದಕ್ಕೂ ಅಲ್ಲಾ, ಬ್ರಿಟಿಷರ ದಬ್ಬಾಳಿಕೆಗೆ ಹೆದರದ ನಮ್ಮ ಜನ ನಿಮ್ಮಂತ ಕೆಸ್ ಮಾಡುವವರಿಗೆ ಹೆದುತ್ತಾರೆಯೇ.

 *ಬಿಜೆಪಿ ಯುವ ಮುಖಂಡ ಸುರೇಶ ಬಳೂಟಗಿ.*

ಸುದ್ದಿ ಜಾಹೀರಾತಿಗಾಗಿ ನಿರ್ಭಯ ದೃಷ್ಟಿ ನ್ಯೂಸ್ ಸಂಪಾದಕರು ಚನ್ನಯ್ಯ ಹಿರೇಮಠ ಕುಕನೂರು ಇವರನ್ನು ಸಂಪರ್ಕಿಸಿ.