ಇಂದಿನಿಂದ ಪಟ್ಟಿ ಅಂಗಡಿ ಪಾರು ನಾಟಕ ಪ್ರಾರಂಭ
ಕಲೆ, ಕಲಾವಿದರನ್ನು ಪ್ರೋತ್ಸಾಹಿಸುವ ಕುಕನೂರು ತಾಲೂಕ ಜನತೆ :-ಪ್ರಕಾಶ ಮೂಡುಗೇರಿ-
Breaking news:-ನಿರ್ಭಯ ದೃಷ್ಟಿ ನ್ಯೂಸ್
ಕುಕನೂರು:- ಶ್ರೀ ಗುದ್ನೇಶ್ವರ ಜಾತ್ರಾ ಪ್ರಯುಕ್ತ ಪೊಲೀಸ್ ಸ್ಟೇಷನ್ ರೋಡ್, ಪಟ್ಟಣ ಪಂಚಾಯಿತಿ ಹತ್ತಿರ, ಬಿ.ಎಸ್.ಆರ್ ನಾಟಕ ಸಂಘ ಗುಬ್ಬಿ ಇವರಿಂದ 28 .11.2025 ಶುಕ್ರವಾರ ದಿಂದ ಪಟ್ಟಿ ಅಂಗಡಿ ಪಾರು ನಾಟಕ ವೈಭವದಿಂದ ಪ್ರಾರಂಭ ಎಂದು ನಾಟಕದ ಪೋಸ್ಟರ್ ಬಿಡುಗಡೆಗೊಳಿಸಿ ಕಲಾವಿದರಾದ ಪ್ರಕಾಶ ಮೂಡಗೇರಿ ಮಾತನಾಡಿದರು.
ಶ್ರೀ ಗುದ್ನೇಶ್ವರ ಜಾತ್ರಾ ಪ್ರಯುಕ್ತ ಕುಕುನೂರು ಪಟ್ಟಣದ ಪೋಲಿಸ್ ಸ್ಟೇಷನ್ ರೋಡ್ ಪಟ್ಟಣ ಪಂಚಾಯಿತಿ ಹತ್ತಿರ ನಿರ್ಮಿಸಿರುವ ಬಿಎಸ್ಆರ್ ನಾಟಕ ಸಂಘ ಗುಬ್ಬಿ ಇವರಿಂದ ಜೇವರ್ಗಿ ರಾಜಣ್ಣ ಅವರ 17ನೇ ನೂತನ ರಚನೆ ಮತ್ತು ನಿರ್ದೇಶನದ ಪಟ್ಟಿ ಅಂಗಡಿ ಪಾರು ನಾಟಕ 28.11.2025 ಶುಕ್ರವಾರ ದಂದು ವೈಭವದಿಂದ ನಾಟಕ ಪ್ರದರ್ಶನದ ಪ್ರಾರಂಭವಾಗುತ್ತಿದ್ದು.
ಕುಕನೂರು ತಾಲೂಕಿನ ಕಲಾ ಪ್ರಿಯ ವೀಕ್ಷಕರು ಕಲೆಯನ್ನು ಪ್ರೀತಿಸುವ ಮತ್ತು ಪ್ರೋತ್ಸಾಹಿಸುವ ಕಾರ್ಯಗಳನ್ನು ಮಾಡಿಕೊಂಡು ಬರುತ್ತಿದ್ದು. ನಾಡಿನ ಕೀರ್ತಿ ಹೆಚ್ಚಿಸುವ ಇಂಥಹ ನಾಟಕ ಕಲಾವಿದರುಗಳು ನಮ್ಮೆಲ್ಲರ ಆಸ್ತಿಯಾಗಿದ್ದು, ಈ ಆಸ್ತಿಗಳನ್ನು ಗೌರವಿಸುವ ಕಾರ್ಯ ಪ್ರತಿಯೊಬ್ಬರಿಂದ ಆಗಲಿ , ಪಟ್ಟಿ ಅಂಗಡಿ ಪಾರು ನಾಟಕ ಜೀವನಾಧಾರಿತ ಕೌಟುಂಬಿಕ, ಸಾಮಾಜಿಕ, ಹಾಸ್ಯಗಳಿಂದ ಕೂಡಿದ ನಾಟಕವಾಗಿದ್ದು. ಯಾವುದೇ ಅಶ್ಲೀಲ ಮಾತುಗಳು ಇರುವುದಿಲ್ಲ, ಕೌಟುಂಬಿಕವಾಗಿ ಮಕ್ಕಳು ಹಿರಿಯರು ಎಲ್ಲರೂ ನೋಡುವಂತಹ ನಾಟಕವಾಗಿದ್ದು.
ಈ ಕಲಾವಿದರಿಗೆ ಸೂಕ್ತ ರೀತಿಯಲ್ಲಿ ಪ್ರೋತ್ಸಾಹವನ್ನು ನೀಡುವುದರ ಮೂಲಕ ಗೌರವಿಸಿ ನಾಟಕ ಪ್ರದರ್ಶನವನ್ನು ಕುಕುನೂರು ತಾಲೂಕಿನ ಹಾಗೂ ಸುತ್ತಮುತ್ತ ಹಳ್ಳಿ ಗ್ರಾಮ ಗಳಿಂದ ಆಗಮಿಸಿ ಕಲಾವಿದರನ್ನು ಆಶೀರ್ವದಿಸಬೇಕೆಂದು ಮಾತನಾಡಿದರು.
ಈ ನಾಟಕದಲ್ಲಿ ಕಾಮಿಡಿ ಕಿಲಾಡಿಗಳ ಹಾಗೂ ಚಲನಚಿತ್ರ ನಟಿ ಸುಜಾತ ಗುಬ್ಬಿ ಮಾರುತಿ ಶೆಟ್ಟಿ ಹಾಗೂ ಅವಿನಾಶ ಅಕ್ಕಲಕೋಟಿ ಇವರು ಮುಖ್ಯ ಹಾಸ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಪ್ರತಿದಿನ ಎರಡು ಆಟಗಳು ಸಂಜೆ 6:15ಕ್ಕೆ ಮತ್ತು 9:30 ಕ್ಕೆ ಪ್ರಾರಂಭ ಗೊಳ್ಳುತ್ತವೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಸಂಘದ ಹಿತೈಷಿಗಳಾದ ವಿನಾಯಕ ಬೆನ್ನಳ್ಳಿ, ವಿನಾಯಕ ಸರಗಣಾಚಾರ್ ಕಲಾವಿದರಾದ ರಾಘವೇಂದ್ರ ಮುಧೋಳ, ಕವಿತಾ ಬಿಜಾಪುರ, ಪುಟ್ಟರಾಜ ಬಾದಾಮಿ, ಪ್ರೇಮ ಮೂಡಲಗಿ, ಅನ್ನಪೂರ್ಣ ಧಾರವಾಡ, ಸಿದ್ದರಾಮ ತಂತ್ರಾಣಿ, ಬಸಲಿಂಗಪ್ಪ ಕೊಡ್ಲಿ, ಮುತ್ತು ದೊಡ್ಡಮನಿ, ಇದ್ದರು.
ಸುದ್ದಿ ಜಾಹೀರಾತಿಗಾಗಿ, ನಿರ್ಭಯ ದೃಷ್ಟಿ ನ್ಯೂಸ್ ಸಂಪಾದಕರು ಚನ್ನಯ್ಯ ಹಿರೇಮಠ ಕುಕನೂರು 📞9164386713