ಸಂಪನ್ನಗೊಂಡ ಕೆಂಪಳ್ಳಿ ಮಾರುತೇಶ್ವರ ರಥೋತ್ಸವ.
Breaking news:-ನಿರ್ಭಯ ದೃಷ್ಟಿ ನ್ಯೂಸ್-
ಯಲಬುರ್ಗಾ:- ತಾಲೂಕಿನ ಕೆಂಪಳ್ಳಿ ಗ್ರಾಮದ ಆರಾಧ್ಯ ದೇವ ಶ್ರೀ ಮಾರುತೇಶ್ವರ ಮಹಾ ರಥೋತ್ಸವ ಶನಿವಾರ ಸಾಯಂಕಾಲ 5:30 ರ ಸುಮಾರಿಗೆ ದಿವ್ಯ ಸಾನಿಧ್ಯವನ್ನು ಶ್ರೀ ಷ.ಬ್ರ ಬಸವಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು ಶ್ರೀಧರ ಮುರಡಿಮಠ ಯಲಬುರ್ಗಾ ಹಾಗೂ ಸಿದ್ರಾಮೇಶ್ವರ ಶಿವಾಚಾರ್ಯ ಮಹಾಸ್ವಾಮಿಗಳು ಹಿರೇಮಠ ಉಭಯ ಶ್ರೀಗಳ ಗ್ರಾಮದ ಪ್ರಮುಖರು ಗುರು ಹಿರಿಯರು ವಿಶೇಷ ಪೂಜೆ ಸಲ್ಲಿಸಿ ರಥೋತ್ಸವಕ್ಕೆ ಚಾಲನೆ ನೀಡಿದರು.
ಬೆಳಿಗ್ಗೆ ಶ್ರೀ ಮಾರುತೇಶ್ವರ ಅರ್ಚಕರಿಂದ ವಿಶೇಷ ಅಭಿಷೇಕ ಪೂಜಾ ವಿಧಾನಗಳು ನಡೆದವು ನಂತರ 11 ಗಂಟೆಗೆ ಶ್ರೀ ಮಾರುತೇಶ್ವರ ಸ್ವಾಮಿಯ ಉಚ್ಚಯ ಎಳೆಯಲಾಯಿತು. ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಸಂಜೆ ಆರಂಭಗೊಂಡ ರಥೋತ್ಸವ ಪಾದಗಟ್ಟಿಯನ್ನು ಮುಟ್ಟಿ ಯಶಸ್ವಿಯಾಗಿ ಮೂಲ ಸ್ಥಳಕ್ಕೆ ರಥೋತ್ಸವ ಬಂದು ತಲುಪಿತ್ತು
ಹೂವಿನ ಅಲಂಕೃತಗೊಂಡ ಮಹಾರಥೋತ್ಸವಕ್ಕೆ ಭಕ್ತಾದಿಗಳು ಬಾಳೆಹಣ್ಣು ಉತ್ತತ್ತಿಯನ್ನು ಎಸೆದು ಭಕ್ತಿ ಸಮರ್ಪಿಸಿದರು. ರತೋತ್ಸವದ ಉದ್ದಕ್ಕೂ ಡೊಳ್ಳು ಕುಣಿತ ಬೆಂಡು ಬಾಜಿ ಭಕ್ತಿ ಸಮರ್ಪಿಸಿದರು. ಶ್ರೀ ಮಾರುತೇಶ್ವರ ಸೇವಾ ಸಮಿತಿಯವರು ಗ್ರಾಮದ ವಿವಿಧ ಸಂಘ ಸಂಸ್ಥೆಗಳ ಮುಖಂಡರು.ಗ್ರಾಮದ ಯುವಕರು ಸ್ವಯಂ ಭಕ್ತಿ ಸೇವೆ ಮಾಡಿದರು ಸುತ್ತಮುತ್ತಲಿನ ಬಂದ ಭಕ್ತರಿಗೆ ಬಹಳ ಅಚ್ಚುಕಟ್ಟಾಗಿ ರೊಟ್ಟಿ,ಚಪಾತಿ, ಕಾಳಪಲ್ಲೇ,ಬದನೆಕಾಯಿ ಪಲ್ಲೆ, ಬೂಂದಿ, ಮೈಸೂರ್ ಪಾಕ್, ಜಿಲೇಬಿ ,ಪೇಡೆ ,ಅನ್ನ ಸಾಂಬರ,ಪ್ರಸಾದವನ್ನು ಉಣಬಡಿಸುವದರ ಮೂಲಕ ಭಕ್ತಿ ಸೇವೆ ಗೈದರು. ರಥೋತ್ಸವದ ಬಿಗಿ ಭದ್ರತೆಯನ್ನು ಬೇವೂರ ಪೊಲೀಸ್ ಠಾಣೆಯ ಪಿ.ಎಸ್.ಐ ಎಸ್.ಪಿ ನಾಯಕ್ ಹಾಗೂ ಸಿಬ್ಬಂದಿಯವರು ಕೈಗೊಂಡರು.
ಸುದ್ದಿ ಜಾಹೀರಾತಿಗಾಗಿ,ನಿರ್ಭಯ ದೃಷ್ಟಿ ನ್ಯೂಸ್ ಸಂಪಾದಕರು ಚೆನ್ನಯ್ಯ ಹಿರೇಮಠ ಕುಕನೂರು ಇವರನ್ನು ಸಂಪರ್ಕಿಸಿ 📞 9164386713