*ರಾಜ್ಯಮಟ್ಟದ ಪ್ರಬಂಧ ಸ್ಪರ್ಧೆಯಲ್ಲಿ ಸ್ಪೂರ್ತಿ ಉಪ್ಪಾರ್ ಪ್ರಥಮ*

*ರಾಜ್ಯಮಟ್ಟದ ಪ್ರಬಂಧ ಸ್ಪರ್ಧೆಯಲ್ಲಿ ಸ್ಪೂರ್ತಿ ಉಪ್ಪಾರ್ ಪ್ರಥಮ*

Breaking news:-ನಿರ್ಭಯ ದೃಷ್ಟಿ ನ್ಯೂಸ್-

ಕುಕನೂರು : ದಿ.25 ರಂದು ಗದಗದಲ್ಲಿ ನಡೆದ ಪ್ರಬಂಧ ಸ್ಪರ್ಧೆಯಲ್ಲಿ ಮಂಗಳೂರಿನ ಸರಕಾರಿ ಬಾಲಕಿಯರ ಪ್ರೌಢಶಾಲೆಯ ವಿದ್ಯಾರ್ಥಿನಿ ಕುಮಾರಿ ಸ್ಪೂರ್ತಿ ಹನುಮಂತಪ್ಪ ಉಪ್ಪಾರ ರಾಜ್ಯಕ್ಕೆ ಪ್ರಥಮ ಸ್ಥಾನವನ್ನು ಪಡೆದು ಕೊಪ್ಪಳ ಜಿಲ್ಲೆಗೆ ಕೀರ್ತಿಯನ್ನು ತಂದಿದ್ದು ಸಂತಸದ ಸಂಗತಿ ಎಂದು ಉಪ ನಿರ್ದೇಶಕ ಸೋಮಶೇಖರ್ ಗೌಡ ಪಾಟೀಲ್ ಮತ್ತು ಯಲಬುರ್ಗಾದ ಕ್ಷೇತ್ರ ಶಿಕ್ಷಣಾಧಿಕಾರಿ ಅಶೋಕ ಗೌಡರ್, ಬಿ.ಆರ್.ಪಿ ಶಿವಪ್ಪ ಉಪ್ಪಾರ ಸಂತಸ ವ್ಯಕ್ತಪಡಿಸಿದರು.

ಶಾಲೆಯ ವತಿಯಿಂದ ಪ್ರಥಮ ಸ್ಥಾನ ಪಡೆದ ವಿದ್ಯಾರ್ಥಿನಿ ಸ್ಪೂರ್ತಿಗೆ ಸನ್ಮಾಸಿ ಮುಖ್ಯ ಶಿಕ್ಷಕ ಸುರೇಶ ಮಾದಿನೂರು ಹರ್ಷ ವ್ಯಕ್ತಪಡಿಸಿದರು.

ಮಾರ್ಗದರ್ಶಿ ಶಿಕ್ಷಕ ಮಾರುತಿ ಬನ್ನಿಗೋಳ ಪ್ರಬಂಧ ಬರೆಯುವುದು ಅಷ್ಟು ಸರಳ ಸಾಮಾನ್ಯವಲ್ಲ. ಅತ್ಯಂತ ಶ್ರದ್ಧೆ ಸುದೀರ್ಘವಾದ ಅಧ್ಯಯನ ಬಹಳ ಮುಖ್ಯ ಎಂದರು,

ಉಪನ್ಯಾಸಕ ಶರಣಪ್ಪ ಉಮಚಗಿ ಮಾತನಾಡಿ ಪ್ರಬಂಧ ಬರೆಯುವುದಕ್ಕೆ ಶಿಸ್ತು ಬದ್ಧ ಮತ್ತು ಕ್ರಮಬದ್ಧವಾದ ನಿಯಮಗಳಿವೆ ಆ ನಿಯಮಗಳನ್ನು ಅತ್ಯಂತ ಕರಗತ ಮಾಡಿಕೊಂಡು ಪೀಠಿಕೆ ಪ್ರಸ್ತಾವನೆ ಉಪಸಂಹಾರಗಲ್ಲಿ ವಿಷಯಕ್ಕೆ ತಕ್ಕ ವಿಚಾರಗಳನ್ನು ತನ್ನ ಅಂದವಾದ ಪದಪುಂಜಗಳಲ್ಲಿ ಬರೆದು ರಾಜ್ಯಮಟ್ಟದಲ್ಲಿ ಮಂಗಳೂರಿನ ಹೆಸರನ್ನು ಬೆಳಗಿಸಿದ ಸ್ಪೂರ್ತಿ ನಿಜಕ್ಕೂ ಶ್ಲಾಘನೀಯ ವಿದ್ಯಾರ್ಥಿನಿ ಎಂದರು.

ಸಾಹಿತಿ ಶಿಕ್ಷಕ ಕಳಕೇಶ್ ಬಳಿಗಾರ ಮಾತನಾಡಿ ಸ್ಪೂರ್ತಿ ಸರಳ ಸಜ್ಜನಿಕೆಯ ಅಪರೂಪದ ವಿದ್ಯಾರ್ಥಿನಿ ಗುರುವಿನ ಗುಲಾಮನಾಗುವ ತನಕ ತೊರೆಯದಣ್ಣ ಮುಕುತಿ ಎನ್ನುವ ಮಾತಿಗೆ ತಕ್ಕ ವಿದ್ಯಾರ್ಥಿನಿ ಸ್ಪೂರ್ತಿ. ಆಳವಾದ ಅಧ್ಯಯನದ ಮೂಲಕ ಎಲ್ಲಾ ಶಿಕ್ಷಕರ ಮಾರ್ಗದರ್ಶನವನ್ನು ಪಡೆದು ರಾಜ್ಯಮಟ್ಟದಲ್ಲಿ ಪ್ರಥಮ ಸ್ಥಾನವನ್ನು ಪಡೆದಿರುವುದು ನಮ್ಮೆಲ್ಲರಿಗೂ ಹೆಮ್ಮೆಯ ಸಂಗತಿ ಎಂದರು.

ಈ ಸಂದರ್ಭದಲ್ಲಿ ಕೆಪಿಎಸ್ ಶಾಲೆಯ ಉಪ ಪ್ರಾಚಾರ್ಯರ ಹನುಮಂತಪ್ಪ, ಮಂಗಳೂರು ವಲಯದ ಸಿಆರ್‌ಪಿ ರವಿ ಡಿ ಮಳಗಿ, ಶಾಂತಿನಿಕೇತನ ಶಾಲೆಯ ಮುಖ್ಯಸ್ಥರು ಹಾಗೂ ಪತ್ರಕರ್ತರಾದ ರವೀಂದ್ರನಾಥ್ ತೋಟದ, ಮಾಬುಸಾಬ್ ಗೋಡೆಕಾರ್ ಮಾತನಾಡಿದರು.   

ಕಳಕಯ್ಯ ಮಠದ, ಫಯಾಜ್ ಶೇಖ್, ಜಾವೇದ್ ಪಾಷಾ ಕಲಾಲಬಂಡಿ ಶಾಹೀರಾಬಾನು ಎಫ್ ಡಿ ಸಿ ಬಸವರಾಜ, ಮರಿರಾಜ್ ಗಾಣಿಗೇರ ಎಲ್ಲಾ ಗುರುಗಳು ಹಾಗೂ ಗ್ರಾಮದ ಸರ್ವ ಶಿಕ್ಷಣ ಪ್ರೇಮಿಗಳು ವಿದ್ಯಾರ್ಥಿನಿಗೆ ಸನ್ಮಾನಿಸಿ ಅಭಿನಂದನೆ ಸಲ್ಲಿಸಿದರು.

ಗದಗ ಜಿಲ್ಲೆಯ ಪೊಲೀಸ್ ವರಿಷ್ಠಾಧಿಕಾರಿ ರೋಹನ್ ಜಗದೀಶ್ ರವರು ಸ್ಪೂರ್ತಿಗೆ ಪ್ರಥಮ ಬಹುಮಾನ ನೀಡಿಸನ್ಮಾನಿಸಿ ಗೌರವಿಸಿದರು.

ಸುದ್ದಿ ಜಾಹೀರಾತಿಗಾಗಿ,ನಿರ್ಭಯ ದೃಷ್ಟಿ ನ್ಯೂಸ್ ಸಂಪಾದಕರು ಚನ್ನಯ್ಯ ಹಿರೇಮಠ ಕುಕನೂರು ಇವರನ್ನು ಸಂಪರ್ಕಿಸಿ. 📞9164386713