ಗ್ರಾಮ ಮಟ್ಟದ ಭೂ ಸಂಪನ್ಮೂಲ ಮಾಹಿತಿ ತರಬೇತಿ ಕಾರ್ಯಕ್ರಮ
ಕುಕನೂರು
ತೇವಾಂಶವನ್ನು ಸಂರಕ್ಷಿಸುವುದು ಮತ್ತು ಜಲಾನಯನ ಪ್ರದೇಶದ ಒಟ್ಟಾರೆ ಉತ್ಪಾದಿಕತೆಯನ್ನು ಸಮಗ್ರ ರೀತಿಯಲ್ಲಿ ಸುಧಾರಿಸಲು ಅವುಗಳ ಸಾಮರ್ಥ್ಯಗಳಿಗೆ ಅನುಗುಣವಾಗಿ ಭೂಮಿಯನ್ನು ಉತ್ತಮಗೊಳಿಸುವುದು ಈ ಒಂದು ಕಾರ್ಯಕ್ರಮದ ಉದ್ದೇಶ ಎಂದು ಜಲಾನಯನ ಅಭಿವೃದ್ಧಿ ಇಲಾಖೆಯ ತರಬೇತಿದಾರರಾದ ರಾಜೇಶ್ವರಿ ಹಿರೇಮಠ ಹೇಳಿದರು. ಅವರು ಕುಕುನೂರು ತಾಲೂಕಿನ ಬಳಗೇರಿ ಗ್ರಾಮದಲ್ಲಿ ಜಿಲ್ಲಾ ಪಂಚಾಯಿತಿ ಕೊಪ್ಪಳ ಜಲಾನಯನ ಅಭಿವೃದ್ಧಿ ಇಲಾಖೆ ಮತ್ತು ಕೃಷಿ ಇಲಾಖೆ ಇವರ ಸಂಯೋಗದಲ್ಲಿ ಆಯೋಜಿಸಿದ ಕಾರ್ಯಕ್ರಮದಲ್ಲಿ ಮಾತನಾಡಿದರು.ರೈತರಿಗೆ ಎಲ್.ಆರ್.ಐ ಕಾರ್ಡಿನ ಮಾಹಿತಿ ಮತ್ತು ಉಪಯೋಗ ವನ್ನು ಪ್ರಮುಖವಾಗಿ ಮಣ್ಣಿನ ಗುಣಮಟ್ಟವನ್ನು ಸುಧಾರಿಸಲು ಇಂಗಾಲವನ್ನು ಬೇರ್ಪಡಿಸಲು ಮಳೆಯ ಆಧಾರಿತ ಕೃಷಿಯನ್ನು ಪುನರ್ಜೀವನಗೊಳಿಸಲು ಮತ್ತು ಹವಾಮಾನ ಬದಲಾವಣೆ ಮತ್ತು ಅವನತಿಗೆ ಒಳಗಾಗುವ ಪ್ರದೇಶಗಳನ್ನು ರಕ್ಷಿಸುವ ಆಧಾರವಾಗಿದೆ. LRI ಕೃಷಿ ಯೋಗ್ಯವಲ್ಲದ ಮತ್ತು ಕೃಷಿ ಯೋಗ್ಯ ಭೂಮಿಯಿಂದ ಹೊಸ ಗಳಿಕೆಯ ಆಧಾರವಾಗಬಹುದು ಮತ್ತು ರೈತರ ಆದಾಯವನ್ನು ದ್ವಿಗುಣಗೊಳಿಸುವ ಗುರಿಯನ್ನು ಹೊಂದಿದೆ ಹೇಳಿದರು. ಇದೇ ಸಂದರ್ಭದಲ್ಲಿ ಗ್ರಾಮದ ರೈತರಿಗೆ LRI ಕಾರ್ಡುಗಳನ್ನು ವಿತರಿಸಿದರು.
ಈ ಸಂದರ್ಭದಲ್ಲಿ ನಿಂಗಪ್ಪ ಹಿರೇಹಾಳ ಕೃಷಿ ಅಧಿಕಾರಿ, ಆನಂದ ಹಳ್ಳಿಕೇರಿ,ಉಮಾ ಮೆಡಮ್,
ಯಂಕಣ್ಣ ಬುಕನಟ್ಟಿ,ಕಂಟೇಪ್ಪ ಮೇಟಿ,ಶಂಕ್ರಗೌಡ ಮಾಲಿ ಪಾಟೀಲ, ಅಂದಪ್ಪ ಬೂದಗುಂಪಿ, ಹನುಮಪ್ಪ ಚಾಕ್ರಿ,ಈರಪ್ಪ ನಡುಕಟ್ಟಿ, ಗ್ರಾಮಸ್ಥರು ಹಾಜರಿದ್ದರು.
ವರದಿ ಚನ್ನಯ್ಯ ಹಿರೇಮಠ ಕುಕನೂರು